1932 թուականին կառուցուած Կապանի երկաթուղային կայարանի պատմական շէնքը շուտով կը վերածնուի` որպէս Թումօ կենտրոն: Հաւատարիմ մնալով իր մոտեցումներուն` Թումօստեղծարար տեխնոլոգիաներու կենտրոնը կը շարունակէ ընդլայնել իր ծրագիրը չշահագործուող, սակայն պատմական արժէք ունեցող շէնքերուն մէջ:

«Խորհրդանշական է, որ կենտրոնը պիտի կառուցուի ճարտարապետական արժէք եւ յատուկ պատմութիւն ունեցող շէնքի մէջ: Անշուշտ, շատ աւելի հեշտ է կառուցել նորը, քան վերանորոգել հինը, սակայն շատ կարեւոր է մեզի ժառանգութիւն հասած հին կառոյցին նոր ոգի, նոր կեանք տալը»,- նշած է Թումոյի գործադիր տնօրեն Մարի Լու Փափազեանը:

Կենտրոնէն յայտնած են, որ շէնքի վերակառուցման ու նախապատրաստական աշխատանքները ծրագրուած է աւարտել 2023 թուականին, ետքը կենտրոնն կ՛ընդունի Կապանի եւ հարեւան համայնքներուն մէջ բնակող աւելի քան 1000 պատանիներ:

Թումոյի կրթական ծրագիրը կը հասնի Սիւնիք մինչեւ շէնքի վերանորոգման աշխատանքներու աւարտը․ մոտ ժամանակները  Կապանի մէջ կը տեղադրուի Թումօ տուփ, որը կենտրոնի շահագործումէն ետք կը տեղափոխուի մարզի այլ համայնք։