2021 թուականի Դեկտեմբերի 1-ին Սուրիոյ մէջ Հայաստանի Հանրապետութեան դեսպանութեան հետ համագործակցութեամբ` Հայաստանի հումանիտար առաքելութեան բժշկական խումբը Հալէպի բուժհաստատութիւններուն փոխանցած է աւելի քան 3,5 տոննա բժշկական եւ առողջապահական պարագաններ:

Առողջապահութեան ոլորտի պատասխանատուններն իրենց երախտիքն յայտնած են հայ բժիշկներուն` տրամադրուած բժշկական պարագաներու եւ ցուցաբերած բժշկական ամենօրեայ աջակցութեան համար: Անոնց խօսքով՝ հայ եւ սուրիացի բժիշկները համատեղ ջանքեր կը գործադրեն տուժածներուն օգնելու համար:

Այսպիսով, չնայած Հալէպի մէջ համավարակի հետ կապուած շարք մը սահմանափակումներու եւ դժուարութիւններու, Հայաստանի հումանիտար առաքելութեան խումբը բարձր մակարդակով կը շարունակէ իրականացնել իր աշխատանքները։