Ախալքալաքի մէջ դեռ կան գիւղեր, որտեղ մարդիկ ստիպուած ապրած են առանց որոշ կարեւորագոյն պայմաններու: Ափնիա եւ Գոգաշեն գիւղերը կը պատկանին այդ գիւղերու շարքին: Այս գիւղերը ունին նման խնդիրներ, որոնց հետ մարդիկ կարծես համակերպուած են: Ինչպէս ճանապարհներու անմխիթար վիճակը, փոխադրամիջոցի բացակայութիւնը:

Բնակիչներու համար մտահոգիչ խնդիր է նաեւ ջուրի հարցը, բացի ոռոգման ջուրի բացակայութենէն, մարդիկ նոյնիսկ չունին խմելու ջուր: Իսկ ամենէ կարեւոր խնդիրը կը համարուի գազաֆիկացման բացակայութիւնը: Երկու գիւղերուն մէջ չկայ գազ, այդ պատճառով մարդիկ տունի տաքացման համար կ՛օգտագործեն վառելու փայտեր:

Գիւղին մէջ ցաւալի խնդիր է նաեւ գործազրկութիւնը: Երիտասարդները, որոնք բարձրագոյն կրթութիւն կը ստանան, չեն ուզէր գիւղ վերադառնալ, քանի որ գիւղին մէջ աշխատատեղ չկայ: Ինչ կը վերաբերուի դպրոցին, այն եւս ունի բազմաթիւ խնդիրներ, օրինակ չկայ մարզուելու դահլիճ եւ աշակերտները մարզանքի դասին կը սահմանափակուին դասարաններուն մէջ շախմատ խաղալով, իսկ դուրսը խաղալ հնարաւոր է միայն տաք եղանակին։