Քալիֆոռնիայի նահանգային համալսարանի Ֆրեզնոյի մասնաճիւղը լոյս ընծայած է Արեւմտեան Հայաստանի հայ, անուանի գրող Զապել Եսայեանի երեք պատմուածքներու անգլերէն ժողովածուն։ Ժողովածուի մէջ տեղադրուած են Եսայեանի երեք պատմուածքները՝ 1911-ին Պոլիսի մէջ գրուած «Քողը» եւ «Բավական է» պատմուածքները եւ 1928-ին Փարիզի մէջ գրուած «Մելիհա Նուրի հանըմը»։ Ինչպէս նշած է կայքը, այս ստեղծագործութիւնները կը պատմեն թէ՛ հայ, թէ՛ թուրք կանանց մասին, որոնք կը պայքարին սոցիալական, քաղաքական ու մշակութային անարդար նորմերու դէմ։ Եսայեանի աշխատանքները լոյս կը սփռեն թուրքական հասարակութեան եւ թուրք-հայկական յարաբերութիւններու վրայ Օսմանեան կայսրութեան վճռորոշ ժամանակաշրջանին, որը նշանաւորուած է պատերազմներով, պարտութիւններով, տարածքային կորուստներով եւ հայ ժողովուրդի հանդէպ ցեղասպանութեամբ։

Զապել Եսայեանը ծնած է 1878 թուականին Կոստանդնուպոլիսի մէջ։ Զբաղուած է գրական, հասարակական գործունէութեամբ։ Ատանայի հայերու դէմ իրագործուած ջարդերէն ետք ստեղծուած միջազգային պատուիրակութեան կազմին մէջ գրողը 1909 թուականին մեկնած է Կիլիկիայ։

Եսայեանը մտաւորականներու ցուցակին ներառուած միակ կինն էր, որուն երիտթուրքական կառավարութիւնը ծրագրած էր ձերբակալել 1915 թուականի Ապրիլի 24-ին։ Բայց անոր յաջողուեցաւ խուսափիլ բանտարկութենէն եւ տեղափոխվուիլ Եւրոպայ։