Արեւմտեան Հայաստանի Տիգրանակերտ քաղաքի Սուր թաղամասի աւիրուած հայ կաթողիկէ Սուրբ Հովսէփ եկեղեցին վերականգնուելէ ետք առաջին պատարագը մատուցուեցաւ։

Բռնազաւթուած Արեւմտեան Հայաստանի կաթոլիկ հոգեւոր առաջնորդ Լեւոն արքեպիսկոպոս Զեքեանի գլխաւորութեամբ 100 տարի ետք հայ կաթոլիկ համայնքի անունով գրանցուած եկեղեցիին մէջ տեղի ունեցաւ արարողութիւն։ Մատուցուած պատարագէն ետք ելոյթ ունենալով՝ Զեքեանն իր գոհունակութիւնն յայտնած է վերականգնելու աշխատանքներն աւարտելու կապակցութեամբ։

Եկեղեցին, որը վերականգնուած է իր սկզբնական ձեւին համապատասխան, 10 տարի ժամկէտով հատկացուած է Դիջլէ համալսարանին՝  կրթական եւ մշակութային ծառայութիւններն օգտագործելու համար, այն պայմանով, որ կրօնական ծիսակարգերու պարագային եկեղեցին զբաղեցնելու թոյլտուութիւն ըլլայ հայ կաթոլիկ համայնքին։