ՀՀ մարդու իրաւունքներու պաշտպան Արման Թաթոյեանը Փարիզի մէջ հանդիպած է գործընկերոջ՝ Ֆրանսիայի մարդու իրաւունքներու պաշտպան Կլեր Հենոնի հետ։

Արման Թաթոյեանը, մասնաւորապէս, նշած է Ատրպէյճանի մէջ ապօրինի պահուած հայկական կողմի գերիներու անհապաղ վերադարձի անհրաժեշտութեան մասին, տեղեկացուցած է, որ անոնք կը պահուին քաղաքական նկատառումներով՝ խախտելով միջազգային իրաւունքի կանոնները։ 

Առանձին անդրադարձած է նաեւ ատրպէյճանական զինուած ծառայողներու կողմէ հայ զինծառայողներու եւ քաղաքացիական բնակիչներու իրաւունքներու կոպիտ խախտումներուն, ինչպէս նաեւ՝ խոշտանգումներուն, վայրագութիւններուն համար պատասխանատուութեան հարցին։

Ան նաեւ շեշտած է, որ ատրպէյճանական իշխանութիւնները հայատեացութեան քաղաքականութիւն կը տարածեն եւ ակտիվ կը պահեն հայերու դէմ թշնամանքն ամբողջ աշխարհին, լարուածութեան մէջ կը պահեն երկու ժողովուրդներուն, կը վտանգեն այլ երկիրներուն մէջ մարդու իրաւունքներու համակարգը ու կը պահեն մթնոլորտը լարուածութոան մէջ։ Այս քաղաքականութեան հետեւանքն է այն խոշտանգումներն ու վայրագությունները, որոնք իրականացուած են պատերազմի ընթացքին ու անկէ ետք։