ՄԱԿ-ի Արդարադատութեան միջազգային դատարանը հրապարակած է Հայաստանն ընդդէմ Ատրպէյճանի գործով միջանկեալ միջոցի կիրառման որոշումը։ Այս մասին հեռարձակուած է ուղիղ եթերով։ Չնայած Արդարադատութեան միջազգային դատարանը բաւարարած է Հայաստանի պահանջներու մեծ մասը, այնուհանդերձ չէ բաւարարած գլխաւորը. Ատրպէյճանը պարտաւորուած չ՛ըլլար վերադարձնել հայ ռազմագերիներուն։ Փոխարեն ՄԱԿ-ի Արդարադատութեան միջազգային դատարանն այդ երկրին պարտադրած է ապահովել հայ ռազմագերիներու իրաւունքներու պաշտպանութիւնը, անվտանգութիւնն ու երաշխաւորել անոնց հաւասարութիւնն օրէնքի առջեւ։ Միւս կէտով դատարանը կը տեսնէ , որ Ատրպէյճանը պէտք է միջոցներ ձեռնարկէ ատելութեան խօսքի տարածելն ու ռասսայական խտրականութիւնն տարածելը կանխելու համար, ինչպէս  նաեւ միջոցներ ձեռնարկէ, որպէսզի էթնիկ պատկանելութեան համար մարդիկ չթիրախաւորուին պետական ինստիտուտներու եւ պաշտօնատար անձերու կողմէ:

Արդարադատութեան դատարանը Ատրպէյճանին պարտադրած է նաեւ ձեռնարկել անհրաժեշտ բոլոր միջոցները՝ կանխելու եւ պատժելու վանդալիզմի ու պղծման բոլոր գործողութիւնները, որոնք կատարուած են հայկական մշակութային ժառանգութեան նկատմամբ՝ եկեղեցիներու, պաշտամունքի այլ վայրերու, յուշարձաններու, գերեզմաններու նկատմամբ։

Իր հայցին մէջ Հայաստանը պահանջած էր, որ Ատրպէյճանն անհապաղ ազատ արձակէ հայ գերիներուն, քաղաքացիական պատանդներուն եւ այլ պահուոած անձերուն, որոնք գերեվարուած են 2020 թուականի Սեպտեմբեր-Նոյեմբեր ամիսներուն կամ անկէ ետք տեղի ունեցած զինուած բախումներու ժամանակ։

https://www.icj-cij.org/public/files/case-related/181/181-20211207-PRE-01-00-EN.pdf