ՀՀ փոխվարչապետ Մհեր Գրիգորաենը, ով հաղորդակցութիւններու ապաշրջափակման եռակողմ յանձնաժողովին կը ներկայացնէ Հայաստանը, ՏԱՍՍ-ին տուած հարցազրոյցի ժամանակ յայտարարած է, թէ Ալիեւի յայտարարութիւնը «Զանգեզուրի միջանցքի» վերաբերեալ անակնկալ եղած է Հայաստանի իշխանութիւններու համար, քանի որ մինչ այժմ բանակցութիւնները կառուցողական հունով  ընթացեր են։

Ալիեւը «վերջնագիր» ներկայացուցած է Հայաստանին անկէ ետք, երբ Մոսկուայի մէջ փոխվարչապետներու մակարդակին համաձայնութիւն չէ եղած որոշ հարցերու շուրջ։ Ան սպառնացեր է ուժ կիրառել, եթէ Հայաստանը չի յայտնէ միջանցքի բացման ժամկէտը։

Փոխվարչապետներու տապալուած հանդիպումը հետեւած էր Սոչիի հանդիպման, որու ժամանակ Բութինը բացայայտած էր, որ պայմանաւորուածութիւն կայ սահմանազատման յանձնաժողով ստեղծելու մասին։ Բութինը նաեւ խօսած էր միջանցքի մասին, կիրառելով  այդ բառը: