ՀՀ մարդու իրաւունքներու պաշտպան Արման Թաթոյեանն ընդունած է Գերմանիայի Դաշնային Հանրապետութեան ԱԳՆ Արեւելեան Եւրոպայի, Կովկասի եւ Կենտրոնական Ասիայի երկիրներու հարցերով քաղաքական տնօրէն Մաթիաս Լիւթենբերկին ու Հայաստանի մէջ Գերմանիայի արտակարգ եւ լիազօր դեսպան Վիկտոր Ռիխտերին: Ան նշած է, որ 2020թ. Նոյեմբերէն սկսած ատրպէյճանական զինուած ծառայողները նոր պատերազմի սպառնալիքի ներքոյ՝ առանց որեւէ հիմքի Գեղարքունիքի եւ Սիւնիքի մէջ յայտնուեր են գիւղերու հարեւանութեամբ եւ Սիւնիքի համայնքներու միջեւ ճանապարհներուն: Բացի այն, որ տեղի կ՛ունենայ մարդու իրաւունքներու խախտումներ գրեթէ ամեն օր, ատրպէյճանական զինուած ծառայողներն անօրինական արգելափակած են Սիւնիքի մէջ Կորիս-Կապան եւ Կապան-Ճակատեն ճանապարհները: Արդիւնքին՝ ճանապարհներուն հարակից գիւղերը յայտնուած են մէկուսացման եւ հումանիտար խնդիրներու առջեւ:

Այլ ընտրանքային ճանապարհը լուծում չէ, քանի որ ապահով չէ մարդկանց անվտանգութիւնն ու կեանքի իրաւունքը. Արման Թաթոյեանը շեշտած է, որ անոնք պէտք է հեռանան հայկական գիւղերու, շատ պարագային մարդկանց տուներու մոտէն ու ճանապարհներէն, պէտք է ստեղծուի անվտանգութեան ապառազմականացուած գոտի: Այս ամենին աւելցած է ատրպէյճանական իշխանութիւններու հայատեացութեան հովանաւորչութեան ու թշնամանքի քարոզի քաղաքականութիւնը: ՀՀ մարդու իրաւունքներու պաշտպանը մանրամասն անդրադարձած է հայ գերիներու ազատ արձակմանը, հայրենիք անոնց վերադարձի հրատապութեանը, որոնք ապօրինաբար կը պահուին Ատրպէյճանի մէջ: