ՀՀ վարչապետ Նիկոլ Փաշինեանի, Եւրոպական խորհուրդի նախագահ Շառլ Միշելի եւ Ատրպէյճանի նախագահ Իլհամ Ալիեւի եռակողմ հանդիպմանը վերահաստատուած է երկաթուղիի վերագործարկման պայմանաւորուածութիւնը։ Այս մասին տեղեկացուցած է վարչապետ Փաշինեանը՝ Պրիւսելի մէջ կայացած հանդիպումէն ետք:

«ԵՄ խորհուրդի նախագահ Շառլ Միշելի եւ Ատրպէյճանի նախագահ Իլհամ Ալիեւի հետ եռակողմ հանդիպմանը Ատրպէյճանի նախագահի հետ վերահաստատեցինք երկաթուղիի վերագործարկման պայմանաւորուածութիւնը։ Ըստ այդ՝ երկաթուղին կը գործէ սահմանային եւ մաքսային միջազգայնօրէն ընդունուած կանոններու համաձայն՝ փոխադարձութեան սկզբունքով, երկիրներու ինքնիշխանութեան եւ իրաւազօրութեան ներքոյ։

Հայաստանը երկաթուղիով հասանելիութիւն կը ստանայ դէպի Իրանի Իսլամական Հանրապետութիւն եւ Ռուսաստանի Դաշնութիւն։ Նաեւ պայմանաւորուեցանք շարունակել շփումները»,-նշած է Փաշինեանը։

Նախագահ Արմենակ Աբրահամեանի արձագանքը ակնթարթային եղած է, ան գրած է.

«Եռակողմ հանդիպման ժամանակ վերահաստատել երկաթուղիի վերագործարկման պայմանագիրը, կը նշանակէ, որ Հայաստանի Հանրապետութիւնը Նախիջեւանի տարածքով մուտք կ՛ունենայ Իրան, եւ Ռուսաստան։

Ըստ այդմ՝ երկաթուղին կը գործէ սահմանային եւ մաքսային միջազգայնօրէն ընդունուած կանոններու համաձայն՝ փոխադարձութեան սկզբունքով, երկիրներու ինքնիշխանութեան եւ իրաւազօրութեան ներքոյ։

Նաեւ Արցախեան պատերազմէն ետք Նախիջեւանը Հայաստանի Հանրապետութեան համար կը դառնայ դե յուրե, այսինքն՝ այլեւս ոչ դե ֆակտո, պաշտօնապես Ատրպէյճանի անբաժանելի մաս։

Ինչպէս արդեն նշած է, Արեւմտեան Հայաստանի Հանրապետութեան կառավարութիւնը կը մերժէ իր տարածքի յետագայ բաժնուելու նպաստող ցանկացած համաձայնագիր։”