Մեծամոր արգելոց-թանգարանին մէջ տեղի կ՛ունենայ «Մեծամորեան ընթերցումներ-2» խորագիրով միջազգային գիտաժողովը, որուն կը մասնակցին պատմաբան-հնագետներ Լեհաստանէն, Աւստրիայէն, Վրաստանէն, Ռուսաստանէն եւ Ղազախստանէն։

Անդրադառնալով գիտաժողովին քննարկուելիք հարցերուն՝ պատմական գիտութիւններու դոկտոր, պրոֆեսոր Աշոտ Փիլիպոսեանը նշեց. – «Մեծամորը պրոնզ-երկաթէ դարեան ժամանակաշրջանի հնավայր է, բնակատեղի եւ դամբարանադաշտ։ Եւ այնքան կարեւոր, որ պրոնզի, վաղ երկաթի ժամանակաշրջանի ամբողջ մշակոյթը Լճաշեն-մեծամորեան կը կոչուի։ Զեկուցումներու մեծագոյն մասը նուիրուած է յատկապէս 2017-2021 թուականներու մեծամորեան պեղումներուն, հայ-լեհական միջազգային հնագիտական արշաւախումբի աշխատանքներուն։ Բացի այն մենք ունինք հաւելեալ զեկուցումներ, որը շատ աւելի ընդհանրական եւ աւելի ամբողջական կը դարձնէ գիտաժողովը»։

Ան ըսաւ նաեւ, որ գիտաժողովի շրջանակներուն կ՛ըլլայ ոսկէ առարկաներու բացառիկ նմուշներու ցուցադրութիւն, որտեղ ներկայացուած կ՛ըլլայ 1980-ականներէն մինչեւ 2021 թուականը պեղումներու ընթացքին բացուած ոսկէ առարկաներու, կամ արժէքաւոր առարկաներու ընտրանին։

Հայ ժողովրդական «Սասուն» երգ: