Արեւմտեան Հայաստանի Ուրֆան մեծապէս հարուստ է իր արհեստներով, որոնցմէ շատերն այս քաղաքին մէջ դարերու հնութիւն ունեցած են եւ հասած հմտութեան բարձրագոյն մակարդակներուն։ Արհեստներու հարստութիւնն ու բարձր զարգացումը նաեւ պայմանաւորուած են քաղաքի աշխարհագրական դիրքով. Ուրֆան կը գտնուի առեւտրական տարբեր ճամփաներու խաչմերուկի վրայ։ Մի քանի տողով հնարաւոր չէ ներկայացնել հայերու զբաղուածութիւնն ու արհեստավարժութիւնը։ Համառոտ կը ներկայացնենք Ուրֆայի հայերու դերը արհեստագործական կեանքին։

Ուրֆայի արհեստներուն հիմնականը տիրապետած են տեղաբնիկ հայերը, անոնց հմտութեան եւ գիտելիքներուն պարտական է այս քաղաքի արհեստային արտադրութիւններու հռչակը։ Այդ արհեստներուն կը պատկանի ոստայնագործութիւնը, բասմայագործութիւնը, ներկարարութիւնը, դերձակութիւնը, կոշկագործութիւնը, պղնձագործութիւնը, ոսկերչութիւնն ու բազմաթիւ այլ մասնագիտութիւններ։ Ոստայնագործները գծաւոր յատուկ հիւսուածքով կը պատրաստէին  հագուստներ տեղացիներու համար։ Բասմայագործութիւնը տպածոյի գործն է, այսինքն արհեստաւորը զանազան ձեւի ծաղկազարդեր եւ դիմանկարներ կը փորագրէր փայտէ կաղապարներու վրայ, ապա անոնք կը տպէր սպիտակ կտաւներու վրայ։

Այս ամենը բուռն զարգացում է ապրիլ մինչեւ 1915 թուական։

https://www.houshamadyan.org/arm/mapottomanempire/vilayetaleppo/ourfa/economy/ourfatrades.html