ԱՀ Մարտակերտի շրջանի Մոխրաթաղ համայնքի բնակիչները պատերազմէն ետք կը փորձեն վերագտնել իրենց եւ արդեն անցած են բնականոն կեանքին:Այս մասին «Արցափրէս»-ի թղթակիցի հետ զրոյցի ժամանակ ըսած է Մոխրաթաղի համայնքապէտ Նորայր Ամիրեանը: «Գիւղը 321 բնակիչ ունի. պատերազմէն ետք Մոխրաթաղէն հեռացողներ չեն եղած, բոլորն ալ վերադարձած են հայրենի եզերք: Աւելին` 5 տեղահանուած ընտանիք հաստատուած է գիւղին մէջ: Ազատ բնակֆոնդէն հարիւրի հասնող տուներ ունինք, որոնք սիրով կը տրամադրենք տեղահանուած մեր հայրենակիցներուն: Պատերազմի ընթացքին գիւղին մէջ աւիրուած է 5 տուն, որոնք այժմ կը վերանորոգուին»,- ներկայացուցած է համայնքի ղեկավարը: Մեր զրուցակիցը ցաւօվ տեղեկացուց, որ պատերազմի ընթացքին գիւղը ունեցած է 3 զոհ, 7 համագիւղացի եւս մարտական գործողութիւններու ժամանակ վիրաւորուած է: Խօսելով բանկչութեան զբաղուածութեան մասին՝ համայնքի ղեկավարը նշած է` ինչպէս բոլոր գիւղերուն մէջ, այստեղ հիմնականը կը զբաղուին անասնապահութեամբ եւ հողագործութեամբ: