Աւարտուած է Պաղեստինի Բարձրագոյն նախագահական կոմիտէի եկեղեցւոյ հարցերով պատուիրակութեան այցը Հայաստան։

Հայաստանի մայրաքաղաքի մէջ անոնք բանակցութիւններ վարած են նախագահ Արմեն Սարգսեանի եւ արտգործնախարար Արարատ Միրզոյեանի հետ։ Հանդիպումներու մասին մամլոյ հաղորդագրութիւններուն մէջ նշուած էր, որ «քննարկուած են Սուրբ հողին հայկական հարուստ պատմական, մշակութային եւ կրոնական ժառանգութեանը վերաբերող հարցեր»: Այդ ժառանգութեան մէկ մասն կը հանդիսանայ այն հողամասը, որու վարձակալութիւնն այդքան բանավեճերու առիթ դարձած է։

Պաղեստինցի պաշտինեան Երուսաղեմի Հայոց պատրիարք Նուրհանին անուղղակիօրէն մեղադրած է «իսրայելական օկուպացիայի ծրագրի իրագործմանը նպաստելու» համար: 

Պաղեստինցի կառավարիչները շատ ցաւագին կը վերաբերուին Հայոց պատրիարքարանին պատկանող հողերուն վրայ Իսրայելի ամուր հաստատուելու փորձերուն եւ անով Երուսաղեմի միջազգայնօրէն ճանաչուած կարգավիճակը վերանայելու համար պայմաններ ստեղծելու փորձ կը տեսնեն։ 

Ակնյայտ է, որ վիճելի հարցի լուծմանն անուղղակի մասնակցութիւն  կ՛ունենան թէ՛ Հայ Առաքելական Եկեղեցւոյ Սուրբ Աթոռը, թէ՛ Հայաստանի քաղաքական ղեկավարութիւնը։ Այդ թոյլ կուտայ յոյս ունենալ, որ Սուրբ քաղաքին մէջ 1600-ամեայ հայկական ներկայութեան հիմքերը սասանելու ունակ բոլոր սպառնալիքներն ի վերջոյ կը վերացուին։