Ատրպէյճանը հաստատած է շուրջ 50 հայ գերիներու մասին տեղեկատուութիւն։ Եւս 80 անձի մասին ոչ պաշտօնական տեղեկութիւն կայ: Լրագրողներու հետ զրոյցի ժամանակ նման յայտարարութիւն կատարած է իրաւապաշտպան, ՄԻԵԴ–ի մէջ գերիներու հարցով ՀՀ ներկայացուցիչ Սիրանուշ Սահակեանը։ 

Անոր խօսքով` հայ գերիներու վերադարձի գործընթացը պիտի ըլլայ շարունակական, քանի դեռ կան հաստատուած գերիներ։ Անդրադառնալով գերութենէն վերադարձածներու հետ կապուած իրաւական գործընթացներուն Սահակեանը նշեց, որ այդ մասին հրապարակային խօսելն ուղղակի անթոյլատրելի է։

«Իրաւական եւ բարոյական տեսնակինէն չեմ կարծեր, որ անոր համար որեւէ հիմք կայ։ Անոնց վիճակը եւս չի արդարացնէր կալանաւորումը, մանաւանդ, որ քննութեան վրայ ճնշումներու կամ պահուելու փորձերու ռիսկեր չկան։ Եթէ պահուելու ըլլար, ուղղակի կը դիմէին երրորդ երկիրներ»,- ըսաւ Սահակեանը։

Յիշեցնենք, որ Եւրամիութեան միջնորդութեամբ Դեկտեմբերի 19–ին Հայաստանին յանձնուեցաւ եւս 10 զինծառայող։ Անոնք գերի վերցուած են Նոյեմբերի 16-ին։