Արեւմտեան Հայաստանի Վան նահանգի Արտամետ գաւառին մէջ առաջին անգամ յայտնաբերուած է պարսկական դամբարան։ Այն ի յայտ եկած է  Շաբանիէ թաղամասին մէջ սկսած փրկարարական պեղումներու ժամանակ, որմէ 10 ամիս առաջ նախորդած էր գանձախոյզներու ապօրինի հորատումը։

Վանի թանգարանի տնօրէն Էրոլ Ուսլուն յայտնագործութեան առիթով ըսած է. «Մեր սկսած 10-օրեայ փրկարարական պեղումներու ընթացքին Վանի մէջ յայտնաբերուած է Պարսկական կայսրութեան պատկանող դամբարան, որը տարածաշրջանին մէջ հարուստ մշակութային ժառանգութիւն չէ ձգած։ Նման դամբարան այստեղ առաջին անգամ կը հանդիպինք։ Գերեզմանին մէջ գտնուող ոսկորներու վրայ յայտնաբերուած են պրոնզէ ապարանջաններ, ուլունքներ եւ կնիքներ։ Կնիքի խորհրդանիշը դեռ վերծանուած չէ։ Բայց կնիքը պատրաստուած է թանկարժէք քարէ, որը յայտնի է որպէս լապիս լազուլի»։