Ընթացիկ տարուան մեծ աշխատանքներ կատարուած են Արցախի բռնագրաւուած տարածքներու մշակութային ժառանգութեան մշտադիտարկելու, պահպանելու ուղղութեամբ:

«Արցախփրես»-ի թղթակիցի հաղորդմամբ՝ այսօր տեղի ունեցած մամլոյ ասուլիսի ժամանակ, անդրադառնալով մշակոյթի ոլորտին վերաբերող հարցերուն, այս մասին ըսած է ԱՀ կրթութեան, գիտութեան, մշակոյթի եւ սպորտի նախարար Լուսինէ Ղարախանեանը.«Մշակոյթի ոլորտին իրականացուող տարբեր ծրագիրներով` աջակցութիւն ցուցաբերուած է Մարտունի, Ճարտար, Ասկերան, Աստղաշեն, Մարտակերտի արուեստի դպրոցներուն: Կարողացած ենք որոշ կույքային համալրումներ կատարել մշակոյթի տարբեր համոյթներուն մէջ եւ 2022թ. կը շարունակենք: Ինչպէս նաեւ «ՀՀ եւ արտերկրի հետ համագործակցութիւն» ծրագրի շրջանակներուն արուեստի դպրոցներու ուսուցիչներու վերապատրաստելու դասընթացքներ կազմակերպած ենք: Կարողացած ենք պահել Շուշիի Մկրտիչ Խանդամիրեանի անուան պետական թատրոնը, որը թէպէտ դեռեւս շրջիկ է եւ անհասցէ, բայց կը շարունակէ լիարժէք կատարել իր աշխատանքը: Թանգարանային գործը զարգացնելու շրջանակներուն եւս աշխատանքներ կ՛իրականացնենք»: