Իրանի Իսլամական Հանրապետութեան Մեճլիսի Իրան-Հայաստան պատգամաւորական բարեկամութեան խումբի անդամները ՀՀ ԱԺ Հայաստան-Իրան բարեկամական խումբի ղեկավար Գեւորգ Պապոյեանի եւ խումբի շարք մը անդամներու ուղեկցութեամբ այցելած են Ծիծեռնակաբերդի յուշահամալիր։

Իրանցի պատգամաւորները ծաղիկներ խոնարհած են անմար կրակի մոտ եւ լռութեամբ յարգած Հայերու դէմ կատարուած ցեղասպանութեան նահատակներու յիշատակը։

Իրանի Մեճլիսի ազգային անվտանգութեան եւ արտաքին յարաբերութիւններու յանձնաժողովի անդամ Մահմուտ Ահմատի Պիղաշն ըսած է. «Նախորդ դարի կատարուած ցեղասպանութեան մասին տեղեկութիւններ ունէի, սակայն այս այցը պատճառ դարձաւ, որ իմ տեղեկութիւններն աւելնան: Ինձ յատկապէս տխրեցուց այն, որ մարդկութիւնն այդքան անմարդկային ու կենդանաբարոյ կարող է ըլլալ, որ ոչ միայն նման վարվելակերպ ունենայ, այլեւ աւելի վատ՝ իր կատարածն չ՛ընդունի»։

Հիւրերն այցելած են նաեւ Հայերու դէմ կատարուած ցեղասպանութեան թանգարան-ինստիտուտ, ծանօթացած են  20-րդ դարի առաջին արհաւիրքը պատկերող վավերագրերուն, դիտած են ցուցանմուշները, գրառում կատարած են «Պատուաւոր հիւրերու» յուշամատեանին մէջ։