Նոր ՋԷԿ–ը, որը Երեւանի մէջ բացուեցաւ Նոյեմբերի վերջը, կ՛ընդլայնէ դէպի Իրան էլեկտրաէներգիայի արտահանման հնարաւորութիւնները։ Այս մասին յայտարարեց ՀՀ տարածքային կառավարման եւ ենթակառուցուածքներու փոխնախարար Յակոբ Վարդանեանը։

Տեխնիկական առումով ՋԷԿ–ի նոր էներգաբլոկը կարող է արդեն գործող էներգաբլոկի հետ դէպի Իրան էլեկտրաէներգիա մատակարարել։ Ինչպէս նշեց փոխնախարարը` Իրանը Հայաստան գազ կը մատակարարէ, որով կը շահագործուի Երեւանի ՋԷԿ–ը եւ որոշ մասը միւս ջերմակայանները։

Խօսելով միջազգային էլեկտրահաղորդման գիծերու կառուցման մասին, Վարդանեանը նշեց, որ Իրան–Հայաստան գիծը պատրաստ կ՛ըլլայ մինչեւ 2023 թուականի վերջ։  Ինչ կը վերաբերուի Հայաստան–Վրաստան նոր գիծի շինարարութեան, անոր առաջին փուլն արդեն աւարտուած է։ Նոր գիծերը Հայաստանին թոյլ կուտան Իրան եւ Վրաստան ոչ միայն մեծ ծաւալներու հոսանք արտահանել, այլեւ փոխանցել այն տարանցմամբ։