Միացեալ Նահանգներու գլխաւորած միջազգային կոալիցիան աւարտած է Իրաքի տարածքէն զօրքերու դուրսբերումը, սակայն պահպանած է ներկայութիւնը ռազմական խորհրդատուներու մակարդակով:

Այս մասին յայտնած է Իրաքի ԶՈՒ Գլխաւոր շտապի ներկայացուցիչ, գեներալ-մայոր Թահսին ալ-Հաֆաճին:

«Զօրքերու դուրսբերման գործողութիւնը յաջող անցած է»,- ըսած է ան՝ նշելով, որ երկրի մէջ դեռեւս մնացած ռազմական խորհորդատուները կ՛օգնեն ահաբեկչութեան դէմ պայքարին:

Իրաքի խորհրդարանը Յունուարի 5-ին ընդունած էր բանաձեւ, որով կը պահանջուի հանրապետութեան տարածքէն բոլոր օտարերկրեայ ուժերու դուրսբերումը: