Արեւմտեան Հայաստանի Պաղեշ նահանգի Ատիլջեւազ գաւառին մէջ գտնուող 600-ամեայ Հրաշագործ վանքն ու Արարատեան թագաւորութեան շրջանի ​​Քեֆ ամրոցը գանձախոյզներու կողմէ աւիրուած են։

Գանձ որոնողները կը շարունակեն ոչնչացնել պատմական հայկական ամրոցները, վանքերը եւ  բնակավայրերէն հեռու գտնուող եկեղեցիները։

՝՝Վանա լիճի ակտիվիստներ՝՝ ասոցիացիայի նախագահ Էրդողան Օզելը այս առիթով յայտարարած է, որ տարածաշրջանի պատմականօրէն կարեւոր կառոյցները պէտք է պաշտպանութեան տակ վերցուին։ Անոր խօսքով, ցաւօք, մեր պատմական տարածքներուն մէջ գանձ որոնողներու հասցուցած վնասները շատ մեծ են եւ անհրաժեշտ է բարձրացնել Արեւմտեան Հայաստանի պատմական վայրերը պահպանելու իրազեկուածութեան եւ գիտակցականութեան մակարդակը։