2021 թ. ամռան սկիզբն Հայաստանի հանրային հեռուստաընկերութիւնն ու «Ապրելու Արցախ» հիմնադրամը համատեղ նախաձեռնած են «100 տուն Արցախի մէջ» նախագիծը, որու նպատակն է բնակարանով ապահովել 44-օրեայ պատերազմի հետեւանքով տեղահանուած եւ տունը կորսնցուցած արցախցի բազմազաւակ 100 ընտանիքի: Ծրագիրով նախատեսուած է Ասկերանի շրջանի Դահրավ գիւղի մոտակայքին՝ Արցախի մայրաքաղաքէն մոտ 16 կմ հիւսիս-արեւմուտք, կառուցել նոր բնակելի 100 տուն։ Յուլիսի սկիզբն մեկնարկած է նոր բնակավայրի շինարարութիւն։ Նախաձեռնութեան մեկնարկի սկիզբը Հանրային հեռուստաընկերութեան գործադիր տնօրէն Յովհաննէս Մովսիսեանը վստահեցուցած էր՝ հանրայինի աշխատակիցներու ուժերով, քաղաքական գովազդէն առաջացած բիւջէի գումարով, պիտի կառուցուի առաջին տունը։ Դեկտեմբերի 22-ի երեկոյեան Երեւանի մէջ՝ «Կրանտ Հոթել» հիւրանոցոին մէջ` կայացաւ «100 տուն Արցախի մէջ» նախագիծի առաջընթացին նուիրուած միջոցառում, որու նպատակն էր ծանօթանալ իրականացուած աշխատանքներուն եւ ընթացիկ վիճակին, հաղորդակցուիլ Արցախի եւ հայութեան հզօրացմամբ, զարգացմամբ մտահոգ գործընկերներու տեսլականներուն ու միտքերուն։ Հրաւիրուած էին տարբեր կառոյցներու ներկայացուցիչներ, Արցախէն տեղահանուածներու կողմէ ստեղծուած հասարակական կազմակերպութիւններու ղեկավարներ, ներկայացուցիչներ, անհատներ, ինչպէս նաեւ օտարերկրեայ հիւրեր։