Տեղի ունեցաւ Շուշիի Հայրենակցական Միութեան եւ Շուշեցիներու հանդիպումը Սուրբ Գրիգոր Լուսաւորիչ Եկեղեցւոյ մէջ։

Պատարագի մասնակցելէ ետք քննարկուեցաւ շուշեցիներու առօրեայ խնդիրները, անոնց առջեւ ծառացած հիմնահարցերը, մասնաւորապէս անոնց բնակելու տեղ ապահովելու,փախստականի կարգավիճակ ստանալու հարցերու շուրջ։

Որոշում կայացաւ շուշեցիներու հաւաքագրումը փաստաթղթաւորել, որպէսզի պետական մակարդակով պատշաճ պահանջ ներկայացուի կառավարութեանը` շուշեցիներուն բնակարանով ապահովելու, փախստականի կարգավիճակ տրամադրելու, սոցիալ-տնտեսական հիմնախնդիրներուն լուծումներ գտնելու եւ համայնք ստեղծելու համար։

Այսպիսով, յարգելի շուշեցիներ` մեր հայրենակիցներ, պահպանեք կապը իրար հետ,  տեղեկատուութիւն փոխանցելով  կատարուելիք գործընթացի վերաբերեւալ եւ անշուշտ մեզի հետ, որպէսզի հնարաւոր ըլլայ ամբողջական տեսքով ցուցակագրել բոլոր շուշեցիներուն եւ հնարաւորինս շուտ սկսիլ այս գործընթացը։ Մեր միւս հայրենակիցներուն, ովքեր անտարբեր չեն շուշեցիներու առաջ ծառացած հիմնախնդիրներու եւ կառավարութեան կողմէ անտարբերութեան մատնուած կարեւորագոյն հարցերու հանդէպ, կոչ կ՛ուղղենք ցուցաբերել ձեր աջակցութիւնը՝ ի օժանդակութիւն մեր հայրենակիցներուն։

ՇՈՒՇԻԻ ՀԱՅՐԵՆԱԿՑԱԿԱՆ ՄԻՈՒԹԻՒՆ