162 տարի առաջ՝ 1856թ․ Դեկտեմբերի 28-ին ծնած է ԱՄՆ 28-րդ նախագահ (1913-1921), Խաղաղութեան Նոբելեան մրցանակի դափնեկիր (1919), Փրինսթոնի համալսարանի իրաւագիտութեան պրոֆեսոր (1890-1902) եւ ապա ռեկտոր (1902-1910), ականաւոր իրաւաբան-միջազգայնագետ, պատմաբան եւ քաղաքագետ Վուտրոյ Թոմաս Ուիլսոնը (Ուիլսոն)։ Հայ հանրութեանը Ոիիլսոնն առաւելապէս յայտնի է որպէս 1920թ․ Նոյեմբերի 22-ին թուագրուած «Ուիլսոնի իրաւարար վճիռի» հեղինակ, որը սահմանած էր Թուրքիոյ եւ Հայաստանի միջեւ սահմանի, Հայաստանի դէպի ծով ելքի եւ հայկական սահմանին հարակից թուրքական տարածքի ապառազմականացման վերաբերեալ հարցերը՝ Առաջին Աշխարհամարտի արդիւնքներն ամրագրող 1919թ․ Փարիզի Հաշտութեան Վեհաժողովի որոշումի հիմքով։

Ուիլսոնը կը հանդիսանայ նաեւ Ազգերու Լիգայի (ՄԱԿ-ի նախատիպը) հիմնադիրներէն մէկը, ինչպէս նաեւ յետպատերազմական Ուաշինգտոն-Վերսալ ռազմաքաղաքական առանցքի կերտողներէն մէկը՝ «Մեծ քառեակի» կազմին մէջ, Միացեալ Թագաւորութեան վարչապետ Տեյվիտ Լլոյտ Ճորճի, Ֆրանսիոյ Հանրապետութեան վարչապետ Ճորճ Կլեմանսոյի եւ Իտալիոյ վարչապետ Վիտտորիօ Էմանուել Օռլանտոյի հետ միասին։

Ուիլսոնի կերպարը յիշարժան է նաեւ, որ ան հանդիսացած է ամերիկեան Դաշնային Պահուստային Համակարգի (FRS) ստեղծողը, որու համար դեռ կեանքի օրոք արժանացած է ծայրահեղ հակասական գնահատականներու։ Մէկ կողմէ՝ ի նշանաւորումն այդ իրադարձութեան եւ որպէս իւրատեսակ յարգանքի տուրք, ԱՄՆ FRS-ի կողմէ 1934թ․ յատուկ թողարկուած է, Golden Certificate հանդիսացող $100․000 նոմինալ արժէքով ամենամեծ թղթադրամը՝ Ուիլսոնի պատկերով։ Միւս կողմէ՝ դաւադրութիւններու տեսութեան ջատագովները, կը մեղադրեն Ուիլսոնին նոյն բանի համար, համարելով, որ ան գործած է իր խորհրդական, Բարուխներու յայտնի եւ չափազանց ազդեցիկ գերդաստանի (Standard Chartered բանկերու հիմնադիր եւ սեփականատերեր) այն ժամանակուայ «նահապետ», նշանաւոր սիոնիստ Պեռնարտ Մանես Բարուխի հրահանգով՝ այդպիսով ստեղծելով ԱՄՆ Կոնգրեսէն եւ Կառավարութենէն անկախ, մասնաւոր ֆինանսական կառոյց՝ ԱՄՆ դոլար թողարկելու մենաշնորհային եւ անուերահսկելի լիազօրութիւններով։

Անկախ ամեն ինչէն, Վուտրոյ Ուիլսոնն արժանի է յիշուելու՝ յատկապէս հայերուս կողմէ։