«Ռեգնում» գործակալութեան խմբագիր, կովկասագետ Ստանիսլավ Տարասովը յօդուած հրապարակած է՝ կարծիք յայտնելով, թէ Հայաստանի վարչապետ Նիկոլ Փաշինեանը կրկին յայտնուած է բազմաքայլ ինտրիգի կենտրոնը:

Տարասովն  անդրադարձած է Նիկոլ Փաշինեանի ակնարկին Թուրքիոյ նախագահ Էրդողանի հետ հնարաւոր հանդիպման մասով։ Փաշինեանը նշած էր, որ «Էրդողանի հետ հանդիպման միտքեր չկան, սակայն եթէ բանակցային գործընթացը յաջող ընթանայ եւ հասունանայ այդ պահը, ապա անոր պէտք է հետեւին բարձր մակարդակով հանդիպումները»:

Ըստ թուրքական աղբիւրներու՝ Էրդողանը, այնուամենայնիւ, որոշած է «չգործել Մոսկուային շրջանցելով» եւ որոշած է «ջուրի երես հանել» Երեւանի գործողութիւնները, որմէ որոշ ժամանակ ետք ՀՀ ԱԳՆ խօսնակ Վահան Հունանեանը տեղեկացուց , որ հայկական կողմը «ռուս գործընկերներու հետ քննարկումներու ժամանակ տեղեկացուցած է հայ-թուրքական յարաբերութիւնները կարգաւորելու պատրաստակամութեան մասին»:

Ըստ Տարասովի՝ այլ կարեւոր մանրուքներէն է այն, որ թուրքական կողմն իր ներկայացուցիչ  նշանակած է ազդեցիկ թուրք դիւանագետ Սերտար Քըլըչին, որը ոչ միայն մտերիմ է Էրդողանի ընտանիքի հետ, այլեւ լուրջ կապեր ունի ԱՄՆ-ի մէջ հայկական սփիւռքի առաջնորդներու հետ: Որոշ արեւմտեան եւ թուրքական ԶԼՄ-ներ կը պնդեն, որ անոր թեկնածութիւնն Անկարան ԱՄՆ նախագահ Ճօ Պայտենի վարչակազմի հետ համաձայնեցուցած է, որը կը վկայէ այս խաղին Թուրքիոյ կատարած մեծ խաղադրոյքներու մասին: Ինչ կը վերաբերուի Երեւանին, ապա խորհրդարանի փոխխօսնակ Ռուպեն Ռուպինեանը որոշ ժամանակ ապրած է Թուրքիոյ մէջ, որտեղ թուրքական կազմակերպութիւններէն ստացած դրամաշնորհներով զբաղուած է որոշ ուսումնասիրութիւններով: Ան պրոֆեսիոնալ դիւանագետ չէ, եւ ան բանակցորդի փորձ չունի:

Տարասովը, նաեւ հղում կատարելով իր թուրքական աղբիւրներուն, յայտնած է, որ Անկարայի մէջ «մինչեւ 2022 թուականի Մայիսին կը մշակուի եռափուլ ճանապարհային քարտէս», որը կը ներառէ Երեւանին ներկայացուելիք պահանջները «1915 թուականի իրադարձութիւններու գնահատման հարցով Արեւմտեան Հայաստանի նկատմամբ պահանջներէն հրաժարումը գրաւոր կերպով հաստատելու մասին»:

Անակարայի մէջ կը կարծեն Երեւանի հետ յարաբերութիւնները «նշաձողերու մեծ փոփոխութիւն պէտք չէ սպասել Յուլիսէն շուտ, երբ կը նախաձեռնուին «Զանգեզուրի միջանցքի» նախագիծի իրականացման առաջին քայլերը»:

Ըստ հեղինակի՝ Արցախեան երկրորդ պատերազէն ետք տարածաշրջանային հաղորդակցական միջանցքներու ապաշրջափակման կողմերու մտադրութեան ֆոնին, որոնց Նախիջեւանով կը միանայ Թուրքիան, Հայաստանի եւ Թուրքիոյ միջեւ յարաբերութիւններու կարգաւորման գործընթացը տրամաբանական կը թուի: Յատկապէս, որ իր գործունէութիւնն սկած էլ «3+2» ձեւաչափը (Ռուսաստան, Թուրքիայ, Իրան, Հայաստան, Ատրպէյճան):