Արեւմտեան Հայաստանի Քիլիս հնագոյն քաղաքը կը գտնուի Այնթապէն 55 կմ եւ Սուրիոյ սահմանէն 10 կմ հեռաւորութեան վրայ։ Քիլիսը  մ.թ.ա 1700 թուականին եղած է Խեթական պետութեան կարեւոր քաղաքներէն մէկը եւ հիւրընկալած է բազմաթիւ այլ քաղաքակրթութիւններու։ Այն քաղաք է, որը շարունակաբար բնակեցուած եղած է մարդկութեան՝ նստակեաց կեանքի անցնելէ եւ մշակութեան ժամանակաշրջանէն ի վեր։ Եղած է այնպիսի քաղաքակրթութիւններու բնօրրան,  ինչպիսին են Պապելոնը, Խեթական պետութինը, Հուրրի-Միտաննին, արամեական, ասորական, հռոմէական, բիւզանդական, մամլուքական եւ օսմանեան կայսրութիւնները։

Քիլիսի համայնապատկերը կը կազմեն  քարաշեն տուները, որոնք կը բացուին  դէպի նեղ փողոցներ եւ բազմաթիւ հին կրոնական շինութիւնները, ինչպիսին են մզկիթները եւ եկեղեցիները:

Քիլիսի խոհանոցը հարուստ եւ բազմազան է, այն կ՚արտացոլէ նաեւ հալէպեան խոհանոցի առանձնայատկութիւնները: Այստեղ կը գտնեն նաեւ վաղնջական ժամանակներէն մնացած ամրոցներ։