Հայ Առաքելական եկեղեցին Յունուարի 6-­ին նշեց Սուրբ Ծննդեան եւ Աստուածայայտնութեան տօնը: Յունուարի 5-ի երեկոյեան բոլոր եկեղեցիներուն մէջ տօնական պատարագ մատուցուած է՝ ի նշան Սուրբ ծննդեան յայտնութեան: Պատարագէն ետք հաւատացեալները եկեղեցիներէն վառած մոմերն տարած են տուն:

Յունուարի 6-ի առաւօտ մատուցուած է Սուրբ Պատարագ, որմէ ետք կատարուած է Ջրօրհնեքի կարգ (ըստ աւանդոյթի` խաչը ջուրն իջեցնելը կը խորհրդանշէ Յիսուսի Հորդանան գետը մտնելը): Պատարագիչը խաչով, ապա՝ միւռոնով կ՛օրհնէ ջուրը եւ հաւատացեալներն այդ ջուրէն տուն կը տանին՝ որպէս օրհնութիւն ու բուժիչ դեղ հիւանդներու համար: Այնուհետեւ քահանան կ՛այցելէ հաւատացեալներու տուները` աւետելու Յիսուս Քրիստոսի Ծնունդը: Այստեղէն առաջացած է Տնօրհնեքի կարգը: