Արեւելեան եւ արեւմտեան քաղաքակրթութիւններու խաչմերուկին գտնուող, աշխարհին իր դամբարանով եւ հսկայ արձաններով յայտնի Նեմրութ լեռը անցեալ տարի այցելած է 171 հազար զբօսաշրջիկ։ Յիշեցնենք, որ Նեմրութը կը գտնուի Արեւմտեան Հայաստանի Սամոսատ նահանգին մէջ, բարձրութիւնը կը կազմէ 2150 մեթր, ներառուած է ԵՈՒՆԵՍԿՕ-ի Համաշխարհային մշակութային ժառանգութեան ցանկին: 

Զբօսաշրջիկներու 90 տոկոսը տեղացիներն են։ 2020 թուականին համաճարակի հետեւանքով այցելուներու թիւը կազմած է 52 հազար մարդ։ 2022 թուականին կանխատեսուած է աւելի մեծ թիւով այցելութիւն։