44-օրեայ պատերազմէն ետք Սիւնիքի շարք մը գիւղեր դարձած են սահմանամերձ, Կորիս-Կապան ճանապարհի հատուած մը ատրպէյճանցիներուն անցնելէ ետք Սիւնիքի մարզը կանգնած է բազմաթիւ մարտահրաւերներու առջեւ։ 

Առաջին մարտահրաւերը, անվտանգային միջավայրի ապահովելն է: Բայց սիւնեցին այսօր բազմաթիւ խնդիրներու առջեւ կանգնած է: Ատրպէյճանական զինուած ուժերու հետ շփման հատուածները վտանգուած են, շատ հաճախ կը խախտուի բնակիչներու խաղաղ ու անվտանգ ապրելու, ինչպէս նաեւ`ազատ տեղաշարժի իրաւունքը: Կապան-Ճակատեն ճանապարհի`ատրպէյճանական զինուած ուժերու վերահսկողութեան տակ անցնելէ ետք մեր հայրենակիցները Ճակատեն, Ծաւի, Սրաշենի, Ներքին Հանդի, Շիկահողի եւ Շիշկերտի մէջ 6 կմ անցնելու փոխարեն ստիպուած են անցնիլ 150 կմ` Կապան հասնելու համար` հաշուի առնելով, որ այլընտրանքային ճանապարհը դեռ կառուցելու փուլին է – նշած է «Հայաստան» խմբակցութեան պատգամաւոր Աննա Գրիգորեանը։

Leave a Reply