Թուրքագետ Ռուբեն Սաֆրաստեանի կարծիքով` հայ-թուրքական առաջին հանդիպումը աւելի շուտ ճանաչողական կ՛ըլլայ, մեծ ակնկալիքներ ունենալ պէտք չէ։ Անոր համոզմամբ` Թուրքիոյ դիրքորոշումը Հայաստանի մասով չէ փոխուած, եւ բանակցութիւններուն դարձեալ կը ներկայացուին Անկարայի յայտնի երեք նախապայմանները՝ Հայաստանը պէտք է վերահաստատէ իր յանձնառութիւնը 1921 թ. Կարսի պայմանագրին եւ ընդունէ Հայաստանի եւ Թուրքիոյի ներկայ սահմանները, հրաժարուի հայերու դէմ իրագործուած ցեղասպանութեան միջազգային ճանաչման քաղաքականութեան յետապնդելէն եւ Արցախէն: Այս ամենին, ըստ թուրքագետի, միացած է չորրորդ պահանջը՝ այսպէս կոչուած` «Զանգեզուրի միջանցքի» հարցը։

Անկախ Թուրքիոյ օրակարգէն, Հայաստանը պէտք է ձգտի առաջ տանելու իր օրակարգը` այն է Թուրքիոյ կողմէ հայերու դէմ իրագործուած ցեղասպանութեան ճանաչման գործընթացի մեկնարկը, վստահ է Սաֆրաստեանը. «Մինսքի խումբի համանախագահողները ճանչցած են ցեղասպանութիւնը: Ես կը կարծեմ` պէտք է մեր դիւանագիտութիւնը փորձէ այս հանգամանքը օգտագործել. պէտք է համագործակցի այդ երեք երկիրներու հետ, որ անոնք ճնշում գործադրեն Թուրքիոյ վրայ»:

Leave a Reply