Մինչ հայերը կը նշեն Սուրբ Ծնունդը եւ այն մեծ յոյսը, որ կը բերէ այս խաղաղութեան տօնը, ես սարսափով կը տեսնեմ, թէ ինչպէս Ատրպէյճանը  ամենավատ ձեւով կը նահատակէ եւ կը խոշտանգէ հայ գերիներուն ու խաղաղ բնակիչներուն՝ անոնց սրբավայրերն ու խաչերը այրելով։ Այդ բանտարկեալները խաչը կը կրեն՝ հաւատարիմ մնալով իրենց հաւատքին։

Այս բարբարոսական գործելակերպը անտանելի է եւ սազական չէ Եւրոպայի խորհիուրդի անդամ պետութեան ու Եւրոպայի անվտանգութեան եւ համագործակցութեան կազմակերպութեան շրջանակներուն գործող ռեժիմին:

2020 թուականի Սեպտեմբերի 27-ին ներխուժելով Արցախ՝ Ատրպէյճանը կը ցանկանար, որ մենք հաւատանք, որ այդ պարզ տարածքային խնդիր է։

Մէկ տարի ետք, միջազգային կոնվենցիաներուն հակառակ՝ ռազմագերիները դեռեւս կը պահուին ատրպէյճանական բանտերուն մէջ։ Ռեժիմը հերթական անարգանքի քայլը կը կատարէ հորինելով հակաքրիստոնէական խոշտանգումներու նոր ձեւեր:

Աշխարհի առաջին քրիստոնեայ ազգի հայ զաւակները 2000 տարի շարունակ խոհեմ ու հարազատօրէն իրենց վրայ կրած են իրենց հաւատքը խորհրդանշող խաչը։

Այսօր Ատրպէյճանն այս կրօնական խորհրդանիշը հագուստի տակէն հանելով՝ կ՚այրէ ու կը ոչնչացնէ՝ հայ ժողովուրդին պատճառելով տանջալի տառապանք, որն արդեն անցած է սահմանները։

Ուստի ես որոշած եմ հրաժարական տալ Ֆրանսիայ-Ատրպէյճան Բարեկամութեան խումբին, որպէսզի չհաստատեմ ատելութեամբ լեցուած գործելաոճը, որն ակնյայօորէն կը բացայայտէ ժողովուրդի մը, անոր մշակոյթն ու հաւատքը ոչնչացնելու ցանկութիւնը: Հայերու դէմ իրագործուած ցեղասպանութենէն 106 տարի ետք, որու նպատակն էր բնաջնջել հայերուն եւ պատմութիւնը կը կրկնուի։ Հնարաւոր չէ ընկերութիւն խոշտանգողերու հետ։

Խիղճի մտոք չեմ կարող ընդունել այս։

Այսօր Ազգային ժողովի նախագահին կը յանձնեմ Ֆրանսիայ-ատրպէյճան բարեկամութեան խումբէն իմ հրաժարականի դիմումը.

Տինօ Սինիերի

Լուարի պատգամաւոր (Օնդեյն, Ֆորես, Պիլատ)

10 Յունուարի, 2022թ

Leave a Reply