Այն, որ պատերազմէն ետք Ատրպէյճանը զարգացուցած է թշնամանքի քաղաքանութիւնը, կը վկայեն խոշտանգումի նոր ձեւերը հայ գերիներու նկատմամբ: Այս մասին իր դիմատետրի էջին գրած է ՀՀ ՄԻՊ Արման Թաթոյեանը:

«Օրինակ` մէկ դէպքի ժամանակ ադպէյճանական ծառայողները հայ զինծառայողէն պահանջած են հրաժարուիլ քրիստոնէութենէն ու ընդունիլ մահմետականութիւն, այսինքն` կրօնափոխ ըլլալ: Երբ հայ զինծառայողը հրաժարուած է կատարել պահանջը, այրած են անոր ոտքը, դաժան ծեծի ու ծաղրի ենթարկած: Որոնց մոտ եղած է խաչ, վերցուցած են, կա´մ ոչնչացուցած: 

Երբ մեր գերիները պահանջած են վերադարձնել խաչերը, դաժան ծեծի ենթարկուած են ու ծաղրած կրօնը: 

Այս հրապարակումն կը կատարեմ, թէ´ մեր, թէ´ միջազգային հանրութիւնը տեղեակ ըլլայ, թէ իրական վիճակը որն է եւ իրաւունքներու ինչ խախտումներ տեղի կ՛ունենան»,- գրած  է ան:

Leave a Reply