Ատրպէյճանի վերահսկողութեան տակ գտնուած տարածքներուն մէջ  Արցախի շարք մը հայկական տեղանուններ Google Maps հաւելուածին մէջ փոխարինուած են ատրպէյճանականով: Ինչպէս կը հաղորդէ ՌԻԱ Նովոստին, այդ մասին ըսած է ատրպէյճանական տիեզերական գործակալութեան («Ազերկոսմոս») նախագահ Սամետին Ասատովը։ Դեկտեմբերին Ատրպէյճանի արտաքին գործերու նախարարութիւնը պաշտօնական դիւանագիտական խողովակներով դիմած էր Google ընկերութեան՝ խնդրելով հրաժարուիլ Պաքուի վերահսկողութեան տակ անցած Արցախի մէջ գտնուող տարածքներու հայկական անուանումներէն։

Յունուարին Արցախի մարդու իրաւունքներու պաշտպան Գեղամ Ստեփանեանը նամակ հղած էր Google ընկերութեան՝ կոչ ուղղելով չհեռացնել հայկական աշխարհագրական անուանումները թուային քարտէսներէն։ Այժմ Ատրպէյճանի վերահսկողութեան տակ անցած Արցախի քաղաքներու եւ շրջաններու անունները Google Maps հաւելուածին մէջ նշուած են ատրպէյճաներէն եւ հայերէն տարբերակներով: Ան նաեւ վստահութիւն յայտնած է, որ որոնողական համակարգն ապագային քարտէսներէն ամբողջութեամբ կը հեռացնէ հայկական աշխարհագրական անուանումները: