Եւրոպայի մէջ անվտանգութեան եւ համագործակցութեան կազմակերպութիւնը (ԵԱՀԿ) կոչ կ՛ուղղէ Ատրպէյճանին եւ Հայաստանին զերծ մնալ ուժի կիրառումէն եւ բովանդակալից երկխօսութեան մէջ մտնել Արցախի շուրջ վեճը լուծելու համար։ Այդ մասին «Արմենփրես»-ին յայտնած է ԵԱՀԿ գործող նախագահ Զպիգնեւ Ռաուի խօսնակ, ԵԱՀԿ-ի մէջ Լեհաստանի մշտական առաքելութեան երկրորդ քարտուղար Բարտոշ Կեմպինսկին՝ պատասխանելով այն հարցին, թէ ի՞նչպէս ԵԱՀԿ նախագահութիւնը կը գնահատէ Յունուարի 11-ին հայ-ատրպէյճանական սահմանի արեւելեան ուղղութեամբ Ատրպէյճանի զինուած ուժերու իրականացուցած ռազմական սադրանքն ու հրադադարի խախտումները, որոնց հետեւանքով հայկական կողմը երկու զոհ ունի։

«Մենք ուշադրութեամբ կը մշտադիտարկենք իրադրութիւնը Հարաւային Կովկասի մէջ։ Մենք կոչ կ՛ուղղենք Ատրպէյճանին եւ Հայաստանին զերծ մնալ ուժի կիրառումէն եւ բովանդակալից երկխօսութեան մէջ մտնել Արցախի շուրջ վեճը լուծելու համար։ Լեհաստանը, որպէս ԵԱՀԿ նախագահող, մտադիր է աշխատելու գործընկերներու հետ՝ տարածաշրջանին մէջ տեւական խաղաղութեան հաստատման եւ կայուն զարգացման միտուած մեր ջանքերը ամրապնդելու նպատակով։ Այդ առումով մենք կ՛աջակցինք ԵԱՀԿ Մինսքի խումբի համանախագահներու ջանքերուն», – նշած է  ԵԱՀԿ գործող նախագահի խօսնակը։

Leave a Reply