Արեւմտեան Հայաստանի Վանա լիճի ափերը սառցակալած են մերկասառոյցով, քանի որ ջերմաստիճանն իջած է նուազ 15 աստիճան։

Պաղեշի մէջ ձիւնի առատ տեղումներու դադարէն ետք սկսած սաստիկ ցուրտերու պատճառով Վանի եւ Թաթվանի միջեւ 3755 քառակուսի կիլոմեթր տարածք ունեցող լիճի ափերը ամբողջովին սառցակալած են։

Վանա լիճը սոտայով հարուստ լիճ է եւ չունի սառելու հատկութիւն, սակայն, ցաւօք անոր ափերու ջուրերուն արդեն խառնուած են քաղցրահամ ջուրեր եւ այդ շրջաններն այսօր ամբողջովին սառած են։

Պէտք է նշել, որ չնայած բնութեան օրէնքներուն եւ անակնկալներուն՝ Վանա լիճը տարուայ բոլոր եղանակներուն գեղեցիկ ու գայթակղիչ է։