ՀՀ մարդու իրաւունքներու պաշտպան Արման Թաթոյեանը Պաքուի մէջ հայերու ջարդերու 32-րդ տարելիցի կապակցութեամբ ուղերձ հղած է:

Ուղերձին մէջ մասնաւորապէս նշած է․

«32 տարի առաջ այս օրը սկիզբ առած Պաքուի հայերու դէմ իրագործուած ջարդերը պետական հովանաւորչութեամբ հայատեացութեան ուղիղ հետեւանք էին. Այսօր կը լրանայ  այդ ջարդերու 32-րդ տարելիցը, որը թիւով 3-րդն է Պաքուի մէջ հայերու դէմ՝ 1905թ. եւ 1918թ. զանգուածային ջարդերիէն ետք: 1990թ. Յունուարի 13-19-ը ու նաեւ մինչ 20 Ատրպէյճանի մայրաքաղաք Պաքուի մէջ տեղի ունեցած հայկական ջարդերու հետեւանքով սպաննուեցան, խոշտանգումի ենթարկուեցան բազմաթիւ հայեր: Մինչ այդ վայրագութիւնները Պաքուի մէջ կ՛ապրէր 230-250 հազար հայ:

Փաստերը կը վկայեն, որ ջարդերուն աջակցած են իրաւապահ մարմինները, կոմունալ ծառայութեան աշխատողները (տրամադրած են հայերու բնակարաններու հասցեները), շտապ օգնութեան բժիշկները (հայերու մահը ներկայացուցած են՝ որպէս սրտային խանգարումներ)։ Տարբեր տուեալներով սպաննուած է մինչեւ 450 ու աւելի մարդ: Խօսքը էթնիկ զտումներու ու ցեղասպանութեան ատրպէյճանական քաղաքականութեան մասին է, որու հիմքը հայերու նկատմամբ պետական աջակցութեամբ հայատեացութիւնն էր: Հայասպաննութիւնը, ազգութեամբ հային խոշտանգելը խրախուսուած է Ատրպէյճանի իշխանութեան մարմիններու կողմէ:

Leave a Reply