Վանի մէջ 5 տարի շարունակ յետաձգուող բոլոր տեսակի հանրահաւաքներու, երթերու ու մամուլի ասուլիսներ իրականացնելու արգելքը հերթական անգամ 15 օրով յետաձգուած է։ Յայտարարութեան մէջ նշուած է, որ արգելքը սահմանուած է անվտանգութեան նկատառումներէն ելնելով, ինչպէս նաեւ «հնարաւոր ահաբեկչական յարձակումները եւ սադրիչ գործողութիւնները կանխելու, բնակիչներու կեանքի ու գոյքի անվտանգութիւնն  ապահովելու եւ բռնարարքներն տարածել թոյլ չի տալու» նպատակով: «Մեր նահանգի վարչական սահմաններէն ներս 2021թ. Յունուարի 14-էն մինչեւ Յունուարի 28-ը ներառեալ 15 օրով արգիլած են բոլոր տեսակի հաւաքները, ցոյցերը, քայլերթերը, մամուլի ասուլիսները, բողոքի միջոցառումները, ստորագրահաւաքները,  նստացոյցերը, հացադուլները եւ նման այլ գործողութիւնները»,- կ՛ըսուի յայտարարութեան մէջ։ Յիշեցնենք, որ 2016թ. սկսած նահանգապետարանի յայտարարութիւններու մէջ արգելքը հիմնաւորուած է անվտանգութեան նկատառումներով՝ կապուած քուրտ զինեալներու հնարաւոր գործողութիւններու կամ անոնց դէմ անցկացուող օպերացիաներու հետ։ Սակայն երբեմն որպէս պատճառ կը նշուի կորոնավարակի առնչուող սահմանափակումները: