Ճապոնիայի մէջ հայ երաժշտական մշակոյթն աշխուժօրէն տարածելու գործին մեծ ներդրում ունենալու համար Տոկիոյի մէջ Կոմիտասի անուան երաժշտական միութեան համահիմնադիր, տաղանդաւոր դաշնակահար Տակահիրօ Ակիբան պարգեւատրուած է ՀՀ Կրթութեան, գիտութեան, մշակոյթի եւ սպորտի նախարարութեան մետալով: Այս մասին յայտնած են Ճապոնիայի մէջ ՀՀ դեսպանութենէն։ 

Դեսպան Արեգ Հովհաննիսեանը ՀՀ դեսպանութեան մէջ մետալը յանձնած է ճապոնացի երաժիշտին: Հանդիպման ժամանակ քննարկած են յառաջիկային կատարուելիք ծրագրերը, մասնաւորապէս, Հայաստանի եւ Ճապոնիայի միջեւ դիւանագիտական յարաբերութիւններն հաստատելու 30-ամեակի կապակցութեամբ նախատեսուած միջոցառումները:

Մարտի 13-ին Տոկիոյի մէջ կը կայանայ Ակիբայի եւ ջութակահար Կեիկօ Ուրուշիհարայի համերգը, որտեղ երաժիշտները կը կատարեն նաեւ Առնօ Պապաճանեանի ստեղծագործութիւնները՝ հայ անուանի երգահանի 100-ամեակի կապակցութեամբ: