2021թ. ԵԱՀԿ-ի մէջ տարածած ենք 20, ՄԱԿ-ի մէջ 15, Եւրոպայի խորհուրդի մէջ 4 փաստաթուղթեր, որոնք կը վերաբերուին մարդասիրական, Ատրպէյճանի կողմէ իրականացուած մշակութային ցեղասպանութեան, տարբեր քաղաքական հարցերու, որոնք, ընդհանուր առմամբ, ունեցած են իրենց ազդեցութիւնը, եւ պիտի շարունակենք տարածել, որպէսզի Արցախի ձայնը լսելի ըլլայ ամբողջ աշխարհին:

Այս մասին 2021 թուականի ամփոփիչ մամուլի ասուլիսի ժամանակ ըսած է ԱՀ արտաքին գործերու նախարար Դաւիթ Պապայեանը:

Ինչպէս նշած է Դ. Պապայեանը, «2021թ. արտաքին գործերու նախարարութիւնը իրականացուցած է իր գործառոյթները՝ փորձելով ամեն ինչ կատարել` պաշտպանելու Արցախի շահերը միջազգային տարբեր ատեաններուն մէջ, ինչպէս նաեւ անմասն չմնալով աշխարհաքաղաքական գործընթացներէն: Գերատեսչութեան կողմէ տարածած փաստաթուղթերու, պաշտօնական յայտարարութիւններու, հաղորդագրութիւններու, մեկնաբանութիւններու թիւը, ընդհանուր առմամբ, կը կազմէ 159, որը, կը կարծեմ, բաւականին աշխուժ գործընթաց է, որ մենք իրականացուցած ենք` ի հարկ է, նաեւ ՀՀ մեր գործընկերներու, սփիւռքի մեր կառոյցներու հետ համատեղ, ինչը շատ կը կարեւորեմ»: