Շուրջ 4 ամիս է, «Expo 2020 Dubai» համաշխարհային ցուցահանդէսի Հայաստանի ներկայացուցիչները ամենօրեայ ծաւալուն աշխատանք կ՛իրականացնեն մեր երկրի գրաւչութիւնները ցուցահանդէսի հազարաւոր այցելուներուն եւ ԱՄԷ բարձրաստիճան պաշտօնեաներուն ներկայացնելու համար: 

Վեց ամիս տեւողութեամբ այս մեծ մասշտաբով ցուցահանդէսը եւս մէկ հիանալի առիթ է աւելի լայն լսարանի համար ներկայացնել ու հասանելի դարձնել Հայաստանը, հայկական մշակոյթը, պատմութիւնն ու մեր երկրի տարբեր ոլորտներուն մէջ առկայ կարողութիւնները։  Հայաստանի ազգային օրը այս համաշխարհային ցուցահանդէսին մէջ կը նշուի Յունուարի 30-ին։ Ցուցահանդէսային տարածքին ողջ օրը կը տիրէ հայկական տրամադրութիւն։ Ազգային օրուայ նուիրուած միջոցառումներու շարքը կը մեկնարկէ Հայաստանի Հանրապետութեան դրոշի բարձրացման արարողութեամբ։ 

Պաշտօնական բացման արարողութենէն ետք ողջ օրուայ ընթացքին կը կազմակերպուին  շարք մը մշակութային միջոցառումներ տարբեր երկիրներէ ժամանած այցելուներու եւ հիւրերու համար: Հայաստանի ազգային օրուայ նուիրուած միջոցառումներուն կարող եք հետեւիլ առցանց՝ հետեւեալ հղումով: