ԱՀ Մարտունի շրջանի Խնուշինակ համայնքի բնակիչներու զբաղուածութեան հիմնական ուղղութիւնը գիւղատնտեսութիւնն է։

Այս մասին ըսած է Խնուշինակի համայնքապետ Կամօ Մուրսալեանը։

«Գիւղացիներն կ՛ապրին իրենց բնականոն կեանքով` հարատեւ խաղաղութեան սպասելով։ Համայնքն ունի 535 բնակիչ, իւրաքանչիւրն ամուր կառչած է այս հողին։ Մարդիկ այգիները կը մշակեն, տարուայ այս եղանակին աշխատանքները մեծ ծաւալով կ՛ընթանան»,-նշած է Կ. Մուրսալեանը։

Խնուշինակի մէջ կը գտնուի 19-րդ դարին կառուցուած Սուրբ Աստուածածին եկեղեցին։ Հայրենական մեծ պատերազմին եւ Արցախեան գոյապայքարին զոհուածներու յիշատակին գիւղին մէջ յուշակոթողներ  տեղադրուած են։

Համայնքապետը տեղեկացուցած է, որ կրթօջախի մէջ 91 աշակերտ կը հաճախ է։ Բնակիչներն ապահոված են էլեկտրաէներգիայով, շուրջօրեայ ջրամատակարարմամբ, գիւղը գազաֆիկացուած է։