ԱՀ Ազգային ժողովը ընդունած է յայտարարութիւն, կոչ ուղղելով համահայկական մակարդակով ձեւաւորել համազգային համախմբում՝ Արցախի ճակատագրին վերաբերող հարցերու շուրջ։ 

«Արցախի Հանրապետութեան Ազգային ժողովը` որպէս Արցախի ժողովուրդի առաջնային մանդատ ունեցող բարձրագոյն ներկայացուցչական մարմին, կոչ կ՛ուղղէ համահայկական մակարդակով ձեւաւորել համազգային համախմբում՝ Արցախի ճակատագրին վերաբերող հարցերու շուրջ: Աշխարհաքաղաքական իրողութիւններու այս դժուար ժամանակահատուածին, երբ Ատրպէյճանը, փորձելով տապալել ռուսական խաղաղպահ առաքելութիւնը, կը շարունակէ հայկական բնակավայրերու պարբերաբար գնդակոծումը, կը պայթեցնէ կազամուղը, կը փորձէ ահաբեկել հայրենի հողին բնակող խաղաղ բնակիչին, կը շարունակեն զաւթել նորանոր տարածքներ, Արցախի Հանրապետութեան Ազգային ժողովը կը վերահաստատէ Արցախի ժողովուրդի կամքն ու վճռականութիւնը՝ իր պատմական հայրենիքին մէջ ազատ ապրելու իրաւունքէն բխող Ազգային ազատագրական պայքարի տեսլականը: Յարգելի´ հայրենակիցներ Հայոց պետականութիւն ըլլալու եւ հայ ժողովուրդի անվտանգութեան բանալին կը գտնուի Արցախի մէջ», – կ՛ըսուի յայտարարութեան մէջ։