Հայաստանի պատմութեան թանգարանին մէջ Ապրիլի 7-ին տեղի ունեցաւ «Դրուագներ ինքնութեան. Զարդ» խորագիրը կրող ցուցահանդէսի բացումը:

Ցուցահանդէսին ներառուած եղած են Հայաստանի պատմութեան թանգարանի հաւաքածուէն ընտրուած 18-20-րդ դարերու զարդեր՝ ապարանջաններ, վզնոցներ, գոտիներ, գլխազարդեր եւ այլն, ինչպէս նաեւ հայ վարպետներու աշխատանքային գործիքներ եւ ազգագրական լուսանկարներ:

Ցուցահանդէսի նպատակը բացայայտել եւ ներկայացնել, թէ հայերը ինչպէս եւ ինչպիսի զարդեր կրած են, ինչ իմաստ ու նշանակութիւն ունեցած են անոնք, ինչպէս հայկական զարդերը տարածուած են տարբեր երկիրներուն մէջ, եւ ամենակարեւորը՝ ժամանակակից հայ վարպետներու ուշադրութիւնը հրաւիրել ազգային արուեստի ակունքներուն: