Մեր գիտակցութեան մէջ պարբերական կրկնութեամբ կը փորձեն ներդնել թշնամական քարոզի բաղադրիչ այն «միտքը», թէ Հայաստանի մէջ կան իբր ատրպէյճանական տարածքներ։ Այս մասին իր թելեկրամի ալիքին մէջ գրած է իրանագետ Վարդան Ոսկանեանը: Մասնաւորապէս, նշած է. «Իրականութեան նման բան չի կարող կատարուիլ, որովհետեւ եթէ, պատկերաւոր ըսենք, ինչ-որ կոլտնտեսութեան նախագահի որոշումով հայկական սրբազան հողի որեւէ կտորի վրայ ժամանակին հաստատուած է մարդկութեան մշակոյթի պատմութեանն անյայտ որոշ վաչկատուն ցեղախումբ, մեր նախնիներու արիւնով եւ քրտինքով օծուած այդ հողակտորը, ամենեւին չի դարձներ «ատրպէյճանական»: Եւ, ի վերջոյ, Հայաստանի եւ Արցախի հանրապետութիւններու տարածքի ռազմավարական խորքի խիստ խոցելիութիւնը կամ նոյնիսկ գրեթէ բացակայութիւնը, մեր հայրենիքի իւրաքանչիւր հողակտոր կը դարձնէ անսահմանօրէն կարեւոր եւ կենսական մեր յետագայ գոյութիւնն ու հզօրացումն ապահովելու համար»։