Ատրպէյճանի կողմէ Արցախի տարածքի 3/4-ի զինագգրաւուելէ ետք ռուսաստանի խաղաղապահ զօրախումբը կը շարունակէ հետեւիլ Արցախի մէջ առաջացած խնդիրներուն: Այս մասին հաղորդագրութիւն տարածած է ՌԴ պաշտպանութեան նախարարութիւնը:

Քսան եօթ դիտակէտերուն մէջ իրադրութեան շուրջօրեայ մոնիթորինկ եւ կրակի դադարեցման ռեժիմը պահպանելու վերահսկողութիւն  կ՛իրականացուի:

Նշուած է, որ ՌԴ խաղաղապահ զօրախումբի պատասխանատուութեան գոտիին  մէջ խախտումներ չէ արձանագրուած:

«Ընդհանուր առմամբ, 2020 թ. Նոյեմբերի 23-էն ռուսական խաղաղապահ զօրախումբի ինժեներա-սակրաւորներու կողմէ չպայթած ականներէն եւ արկերէն մաքրուած է 2 362,3 հա տարածք, 689,5 կմ ճանապարհ, 1 937 շէնք, յայտնաբերուած եւ վնասազերծուած է 26 258 պայթուցիկ նիւթ»,- նշուած է հաղորդագրութեան մէջ: