Western Armenia TV-ի եթերով բժիշկ, հոգեբոյժ Յակոբ Յակոբեանը ներկայացուց Արցախի մէջ կատարուող իրադարձութիւնները, նշելով, որ անոնք այնքան արագ կը կատարուին, որ հասարակութիւնը դեռ մէկ խնդիրը չլուծած՝ կը յայտնուի երկրորդ խնդիրը։ Խնդիրները սկսած են հումանիտար աղետով, երբ Մարտ ամսուայ սկիզբը անջատած են կազը, այնուհետեւ շարունակուեցաւ Փառուխի եւ Քարագլուխի դէպքերով։ Անդրադարձաւ Ատրպէյճանի կողմէ ՀՀ-ին ներկայացուած 5 կէտէ բաղկացած «խաղաղութեան համաձայնագիրին», նշելով, որ Արցախի մէջ ապրող իւրաքանչիւր բնակիչի համար կարեւորը անվտանգութիւնն է եւ իրենց բնիկ հողի վրայ ապրելու իրաւունքի պաշտպանութիւնը։ Պէտք է նշել նաեւ, որ ՀՀ-ի մէջ կը հնչեն բազմաթիւ յայտարարութիւններ, որոնք Արցախի մէջ շատ սուր եւ ցաւագին կ՛ընդունուի։ Եզրափակելով խօսքը, Պարոն Յակոբեանը հերքեց այն լուրերը, ըստ որուն Արցախի մէջ սկսած է ստորագրահաւաք՝ Ռուսաստանի կազմին ընդգրկուելու համար։