Ատրպէյճանական զօրքերը կը շարունակեն մնալ Քարագլուխի այն հատուածը, որտեղ Մարտի 24-25-ին ՊԲ ստորաբաժանումներու գործողութիւններու արդիւնքին կասեցուած է անոնց առաջխաղացումը: Այս մասին յայտարարութիւն տարածած է Արցախի տեղեկատուական շտապը: Միեւնոյն ժամանակ, ատրպէյճանական  կողմը պարբերաբար ապատեղեկատուութիւն տարածած է տարբեր ուղղութիւններով իբր թէ նոր ներխուժումներու մասին, որոնցմէ վերջինը վերաբերուած էր Մարտակերտի որոշ գիւղերուն: Իրականութիւնն այն է, որ նման պնդումներն ամբողջովին կեղծ են եւ շփման գիծի ողջ երկայնքով դիրքային որեւէ փոփոխութիւն չէ արձանագրուած Փառուխի եւ Քարագլուխի վերոնշեալ դէպքերէն ետք: Կոչ կ՛ուղղենք հետեւիլ միայն պաշտօնական լրահոսին եւ չխափուիլ ատրպէյճանական ապատեղեկատուութեան», – կ՛ըսուի յայտարարութեան մէջ։