Համօ Սահեանը ծնած է Սիւնիքի մարզի Լոր գիւղին մէջ: 1937 թ. աւարտած է Պաքուի երկամեայ հայկական ուսուցչական համալսրանը: Մասնակցած է Հայրենական մեծ պատերազմին: Աշխատած է շարք մը  թերթերու եւ ամսագիրներու հետ, որոնց շարքին Պաքուի «Խորհրդային գրող» ամսագիրին, «Կոմունիստ» եւ «Աւանգարդ» թերթերուն, «Ոզնի» հանդէսին հետ: 1965 – 1967 թթ. եղած է «Գրական թերթի» գլխաւոր խբագիրը:

Հ. Սահեանի բանաստեղծութիւնները տպագրուած են 30-ական թուականներէն սկսած։ Համօ Սահեանի առաջին գիրքը` «Որոտանի եզերքին» բանաստեղծութիւններու ժողովածուն տպագրուած է 1946 թ.-ին:  Յաջորդ` «Առագաստ» (1947), «Սլացքի մէջ» (1950), «Ծիածանը տափաստանում» (1953), «Բարձունքի վրայ» (1955), «Նաիրեան դալար բարդի» (1958) ժողովածուներուն մէջ աւելի  ընդլայնուած է Համօ Սահեանի բանաստեղծական թեմատիկ ընդգրկումը:

1972թ.-ին  լոյս  տեսած է Սահեանի «Սեզամ, բացուիր» ժողովածուն, որուն համար 1975թ.-ին ան արժանանացած է պետական մրցանակի: «Կանաչ, կարմիր աշուն» (1980), «Դաղձի ծաղիկ» (1986) ժողովածուներուն մէջ հեղինակը  նոր, առաւել անհատական է եւ մտերմիկ ոճով:

  Ան թարգմանած է Ա. Պուշկինի, Ս. Եսենինի, Գ. Լորկայի եւ այլ բանաստեղծներու ստեղծագործութիւններէն:

1998թ.-ն, ետմահու լոյս տեսած  է Համօ Սահեանի «Ինձ բացակայ չդնէք» բանաստեղծութիւններու ժողովածուն:

Պարգեւատրուած է  շարք մը պետական  շքանշաններով:

2014 թուականի Ապրիլի 14-ին՝ բանաստեղծի 100-ամեակին, անոր հայրենի Լորի գիւղին մէջ բացուած է տուն-թանգարան։