Կիպրոսի Հանրապետութեան կառավարութիւնը կը ձգտի կանխել ԵՄ-ի զէնքի վաճառքը Թուրքիային: Այս հարցը Կիպրոսի խորհրդարանի արտաքին յարաբերութիւններու յանձնաժողովին ներկայացուցած է իշխող Դեմոկրատական ​​միութեան անդամ Հարիս Գեորգիատիսը։

«Թուրքիան դարձած է զէնքի մեծ արտահանող, ինչպէս նաեւ կարողութիւն ունի ինքնուրոյն զէնք արտադրել։ Թուրքիան տարածաշրջանի մէջ կայունութիւնն ու անվտանգnւթիւնը խաթարող երկիր է, եւ առանց պատրանքներու, մենք պէտք է, օգտագործելով մեր շփումները ԵՄ-էն դուրս գտնուող երկիրներու խորհրդարաններու հետ, դժուարացնենք Թուրքիային դառնալ հեգեմոն ուժ, որը հիմնուած է առաջին հերթին անոր ռազմական հզօրութեան»,- ըսած է Գեորգիատեսը։Աւելի վաղ՝ 2020 թուականին, Կիպրոսը Յունաստանի եւ Ֆրանսիայի հետ միասին ԵՄ-ին կոչ ուղղած է զէնքի էմբարգո սահմանել Թուրքիայի նկատմամբ։ Բլոկը մերժած էր այս առաջարկը։