Արեւմտեան Հայաստանի Ուրֆայի Վիրանշեհիր գաւառին մէջ ենթադրաբար երկրորդ դարին կառուցուած պատմական ամրոցը ոչնչացման վտանգի տակ է։ Չնայած ամրոցի եւ շրջակայքին համար  պահպանուող տարածքի որոշում կայացուած է, այդ մասին ծանուցող որեւէ ցուցանակ տարածքին մէջ չկայ: Ամրոցին մէջ եւ շրջակայքին վերականգնուելու աշխատանքներ չեն կատարուիր, պարիսպները փլուզուելու վտանգի տակ են։ Չնայած բոլոր աւերածութիւններուն՝ ամրոցը պահպանած է իր շքեղութիւնը։

Ամրոցի շրջակայքին կան բազմաթիւ քարանձաւներ, ժայռափոր դամբարաններ եւ ջրամբարներ, ինչպէս նաեւ անտիկ բնակավայրեր։ Շուրջ 300 մեծ ու փոքր քարանձաւներէն մի քանին քաղաքացիները փակած են դուռերով եւ կ՛օգտագործեն  որպէս անասնակոմ։ Գլխաւոր մուտքի ներսը կայ մի մեծ քարանձաւ, որը, ինչպէս շատ պատմական շինութիւններ, յայտնուած է գանձ որոնողներու թիրախին: Պահպանուած  են միայն քարանձաւի վերին մասի սիւնակամարները, որոնք մասամբ աւիրուած են։